50€ko txekeak, gabonetara aurreratzeko

Guztiok atsegin dugu gabon garaian opariak erosi, egin eta jasotzea. Baina gastu handiak beldur eman ohi digu. Aurten, Tolosako erosketak sustatzeko eta erosleei laguntza eskaintzeko helburuz, Tolosa&Co-k 50€ko txekeak salduko ditu 40€tan. Alegia, 10€ oparituko ditu erosketetan.

Gabonetako erosketak aurreratu eta aurrezteko modu paregabea eskaintzen du Tolosa&Cok: euren bulegoan 50€ko txekeak 40€tan eskuratzeko aukera izango da, azaroaren 12tik txekeak amaitu arte, 9:30etatik 17:00ak arteko ordutegian. Txeke horiek, Tolosa&Co-ren parten diren saltokietan kontsumitu ahal izango dira azaroaren 19tik abenduaren 2ra.

Hemen klik eginda Tolosa&Coren bulegoaren kokapen zehatza ikusi ahal izango duzu: Pedro Tolosa pasealekua, 2. zenbakia. Zalantzarik izanez gero, jarri gurekin harremanetan mezu elektroniko bat bidaliz edo 943 65 35 78ra deituz.

Baldintzak:

  • NAN bakoitzeko eskaintza-bono bat bakarrik eskuratzeko aukera izango da.
  • 40€ko erosketaren truke, 50€ko balioa duen 4 txeke emango dira (10€ 3 txeke eta 20€ko txeke bat).
  • Tolosa&Co elkarteko kide diren saltoki guztietan kontsumitu ahalko dira: zerbitzu, komertzio edo ostalaritza saltokietan.
  • Txekeak batera edo sakabanatuta kontsumitu ahalko dira.
  • Txekea eskuratzeko epea: azaroaren 12tik amaitzen direnera arte, Tolosa&Coren bulegoan (astelehenetik ostiralera 9:30-17:00).
  • Txekea kontsumitzeko epea: azaroaren 19tik abenduaren 2ra arte.
  • Txekea erostean jasoko diren datuak: NAN, izen-abizenak, jaiotze data, herria, emaila eta mugikor zenbakia.
  • Txekeak gainontzeko kanpainetako txekeekin gehitu daiteke (metagarriak dira).


Erosketak

Komertzio Txikian Egina ❤️

Momentu eta egoerarik zailenetan ere aurrerantz egiteko ahalmen eta gogoa erakusteagatik, barru-barrutik egunero ateratzen duzuen irribarreagatik eta Tolosari bizia emateagatik eskerrak eman nahi dizkizuegu gure elkartekideoi. Badakigu urteko garai hauetan bultzadatxo bat ez zaizuela gaizki etorriko: eta bultzada hori emateko gaude elkarrekin. Baina Tolosako saltokien bezerooi...

Leer más
Agenda, Erosketak

🎪 Zuentzako eguberriak, Tolosan: EGITARAUA 🎉

Eguberri hauetarako familia osoarentzako egitaraua antolatu nahi izan dugu, Tolosako kaleak biziz eta giroz bete daitezen. Gure establezimenduak bisitatzen dituzun aldi berean, toki berezi batean sentitu zaitezen nahi dugu. Musika, sariak, eta sorpresa pila bat izango dituzu zain! Tolosa&Cok eta Tolosako Udalak antolatutako ekintzen zerrenda...

Leer más
Agenda, Erosketak

💰🍬 URREZKO GOXOKIA : zuk irabaziko dituzu 500€?

Eguberri bereziak izango ditugu aurten Tolosan. Magia eta ilusioa, ez dira faltako. Ez behintzat saltoki eta taberna tolosarretan: abenduaren 11tik urtarrilaren 5era bitarte Tolosa&Co-ren elkartekide diren establezimenduetan erosketak edo kontsumizioak egiten dituzun aldiro goxokiak banatuko dizkizute opari modura. Baina ERNE BEGIRATU jan aurretik:  3000 goxokiren artean...

Leer más