Compras en Tolosa

Zer egin Tolosan udara honetan

Udara honetan zure oporretarako aukeratutako (edo egokitutako) tokia Tolosa bada, ESKERRIK ASKO! Herri hau biziagoa egiten laguntzen ari zara. Horregatik, Tolosan egiteko planen berri emango dizugu: ongi etorri Gipuzkoa barnekaldera!

  • Tolosako azoka: egunero bertako ekoizleen merkatu txiki bat badugu ere, larunbaterokoa izugarria da. 3 plaza nagusitan  banatzen da: Zerkausia, Euskal Herria Plaza eta Berdura Plaza. Bertako produktua lehen eskutik ezagutu eta dastatzeko aukera paregabea!

 

  • Mendi buelta bat: Izaskun, Uzturre mendia.. oinez, korrika nahiz bizikletaz egin ahal izango dituzun mendi bueltak dituzu Tolosaldean. Kirola egin eta gose pixka bat ateratzeko modu bikaina.

 

  • Gastronomia: Tolosak duen ondare garrantzitsuenetakoa da gastronomia. Nork ez ditu behar pintxo eta deskantsu fresko apurt bat turismoa egiten ari denean? Tolosa&Co elkarteak jatetxe eta taberna tolosar asko ditu bere baitan; bakoitza, bere berezitasunean nagusi: pintxoak, menuak, garaiko produktuak, plater bereziak.. Ezagutu jatetxe eta taberna hauen abuztuko ordutegiak hemen klik eginda.

 

  • Erosketak: Tolosako kaleetatik igaroz gero erosketak egiteko aukera amaigabea topatuko duzu. Arropa-denda txikietatik hasita zerbitzuen establezimendu handiagoetaraino, behar duzun guztia topatu ahal izango duzu. Hemen klik eginez gero establezimendu hauen abuztuko ordutegiak ezagutu ahal izango dituzu.

 

  • Historia eta monumentuak: gure alde zaharrak aintzinako sei kale luzeen trazadura bera mantentzen du zeharkako kale motzago batzuekin eta Gaztelako Atearekin. Oraindik ere historia berreraikitzen lagundu ahal diguten jauregi, monumentu eta zubiak behatu daitezke. Animatzen zara?

 

  • Kiroldegia: beroak deskantsurik ematen ez badu, Tolosako kiroldegiko pistina aprobetxa dezakezu!

 

Aurretik ezagutzen baduzu ere, Tolosako zirrikitu ederrena ere topatzea opa dizugu. Gainera, eskerrik asko gure ekonomia lokala babesteagatik!

Informazio gehiagorako bisitatu: turismoa.tolosa.eus



Agenda

Nuevas entradas: taller de gigantes y cabezudos

Hoy (19 de diciembre) a las 12:00 del mediodía se pondrán a la venta nuevas entradas para el taller de gigantes y cabezudos organizado por Tolosa&Co y la comparsa de Tolosa. En estos turnos se mezclarán niños y niñas de todas las edades (desde 4...

Leer más
Agenda, Compras

Tolosa izarrez beteta: estos serán los conciertos

Estas Navidades las actuaciones y conciertos correrán a cargo de artistas y músicxs de Tolosa y alrededores de la mano de Tolosa&Co. ¡Seguro que te los encuentras por nuestras calles mientras que estás de compras! Aquí el calendario con los nombres de todos y todas las...

Leer más