Compras en Tolosa

Zer egin Tolosan udara honetan

Udara honetan zure oporretarako aukeratutako (edo egokitutako) tokia Tolosa bada, ESKERRIK ASKO! Herri hau biziagoa egiten laguntzen ari zara. Horregatik, Tolosan egiteko planen berri emango dizugu: ongi etorri Gipuzkoa barnekaldera!

  • Tolosako azoka: egunero bertako ekoizleen merkatu txiki bat badugu ere, larunbaterokoa izugarria da. 3 plaza nagusitan  banatzen da: Zerkausia, Euskal Herria Plaza eta Berdura Plaza. Bertako produktua lehen eskutik ezagutu eta dastatzeko aukera paregabea!

 

  • Mendi buelta bat: Izaskun, Uzturre mendia.. oinez, korrika nahiz bizikletaz egin ahal izango dituzun mendi bueltak dituzu Tolosaldean. Kirola egin eta gose pixka bat ateratzeko modu bikaina.

 

  • Gastronomia: Tolosak duen ondare garrantzitsuenetakoa da gastronomia. Nork ez ditu behar pintxo eta deskantsu fresko apurt bat turismoa egiten ari denean? Tolosa&Co elkarteak jatetxe eta taberna tolosar asko ditu bere baitan; bakoitza, bere berezitasunean nagusi: pintxoak, menuak, garaiko produktuak, plater bereziak.. Ezagutu jatetxe eta taberna hauen abuztuko ordutegiak hemen klik eginda.

 

  • Erosketak: Tolosako kaleetatik igaroz gero erosketak egiteko aukera amaigabea topatuko duzu. Arropa-denda txikietatik hasita zerbitzuen establezimendu handiagoetaraino, behar duzun guztia topatu ahal izango duzu. Hemen klik eginez gero establezimendu hauen abuztuko ordutegiak ezagutu ahal izango dituzu.

 

  • Historia eta monumentuak: gure alde zaharrak aintzinako sei kale luzeen trazadura bera mantentzen du zeharkako kale motzago batzuekin eta Gaztelako Atearekin. Oraindik ere historia berreraikitzen lagundu ahal diguten jauregi, monumentu eta zubiak behatu daitezke. Animatzen zara?

 

  • Kiroldegia: beroak deskantsurik ematen ez badu, Tolosako kiroldegiko pistina aprobetxa dezakezu!

 

Aurretik ezagutzen baduzu ere, Tolosako zirrikitu ederrena ere topatzea opa dizugu. Gainera, eskerrik asko gure ekonomia lokala babesteagatik!

Informazio gehiagorako bisitatu: turismoa.tolosa.eus



Agenda, Erosketak

Ez galdu eguberri hauetan eskaintzeko daukagun guztia!

Zeinen garrantzitsua den, Eguberrietan ere, Tolosan erostea. Opari batek hamaika irribarre eragiten ditu: ez soilik oparia jasotzen duenarena; bisitatu duzun saltoki horren atzean daudenena, ere bai. Tolosako saltokietan erosketak egiten ditugunero gure herriko ekonomia (eta ilusioa) suspertzen baititugu. Tolosako saltokietatik mezu bat daukate zuretzat! Ikusi hemen: [video...

Leer más
Erosketak

Bono kanpaina berria: ORDAINDU 20€ ETA KONSUMITU 30€!

BONUAK AGORTU DIRA! GOGORATU ABENDUAK 1 BAINO LEHEN ERABILI BEHAR DIRELA 🥳 _______ Erosketa-bonu kanpaina berria abiatuko du Tolosa&Co-k, datorren azaroaren 7tik aurrera. Bezeroak 20€ ordainduta, 30€eko balioa duen erosketa txeke bat jasoko du bueltan. Beraz, ordaindutakoa baino 10€ gehiago izango ditu Tolosa&CO-ren saltokietan kontsumitzeko. Salmenta azaroaren...

Leer más
Agenda, Erosketak

BRADERIE 2022

Kale eta saltoki kanpoaldeak eskaintzaz betetzen dituen azoka da Tolosa&Co Tolosako komertzio txikien elkarteak antolatzen duen hau: 62 saltokik stock-ean dituzten produktuak prezio merkeagoan eskainiko dituzte datorren martxoaren 12an, goizeko 10etatik arratsaldeko 20etara, etenik gabe. Urtero modura, BRADERIE Tolosako saltoki txikien festa handia izatea nahi da,...

Leer más