Komertzio Txikian Egina ❤️

Momentu eta egoerarik zailenetan ere aurrerantz egiteko ahalmen eta gogoa erakusteagatik, barru-barrutik egunero ateratzen duzuen irribarreagatik eta Tolosari bizia emateagatik eskerrak eman nahi dizkizuegu gure elkartekideoi. Badakigu urteko garai hauetan bultzadatxo bat ez zaizuela gaizki etorriko: eta bultzada hori emateko gaude elkarrekin.

Baina Tolosako saltokien bezerooi ere zuzendu nahi gatzaizue: kanpo-estimulu pila jasota ere zuen erosketak zuen herrian bertan egiteko hautu eta konpromisoa hartzea nahiko genuke. Gure elkartekide diren merkatari eta ostalariek pertsonalizatutako arreta eskainiko dizute, mimo handiz lagunduko dizute behar duzun guzti horretan, opari ederrak lortuko dituzu, oparia jasoko duen hori eta baita zu ere pozik egongo zarete, herri osoaren ekonomia sustatzen lagunduko duzu, eta eh! harro sentitzeko arrazoi bat gehiago izango duzu. Gabonak ez al dira ilusioa banatzeko?

Hain zuzen ere, eskerrak emateko eta egiten ari garen horren balioa azpimarratzeko sortu ditugu pegatina eta baso-azpiko hauek. Eguberri hauetan zehar Tolosako establezimenduetan egindako erosketetan jasoko dituzu, harrotasunez eraman ditzazun hain ilusio handiz apaindutako oparietan, bertako komertzio txikia babestu duzula erakutsiz. Ezberdinak eta bereziak sentitu zaitezten: hala zarete eta. Guztiz beharrezkoak zarete guretzat!

Lau haizeetara zabaldu ezazue Tolosari argia eta bizia ematen dioten merkataritzaren parte zaretela:

Erabili #nik❤tolosa eta #zaindubertakoa traolak! 

Tolosako komertzio txikiak poztasunak ematen jarraituko du elkar babesten garen bitartean!

 

 



Erosketak

Askoz ere gehiago: hementxe saridunak!

Oso arrakastatsua izan da Tolosako merkataritza elkarteak abian jarri duen azken kanpaina: ASKOZ ERE GEHIAGO! Eta hala izan da zehazki; guk uste genuena baino askoz ere gehiago. Tolosako saltoki eta establezimendu komertzialetan kontsumitzen duzuen pertsonen fidelizazioa eskertu nahi izan dugu; eroslerik gabe, ez legokelako bizitza...

Leer más
Agenda, Erosketak

Aurten ere URREZKO GOXOKIA ezkutatu dugu Tolosako saltokietan 🤗

Gabon hauetan ere, URREZKO GOXOKIA ezkutatu dugu Tolosako saltokietan! Abenduaren 10etik urtarrilaren 5ra bitarte Tolosa&Coren establezimendu batean erosketa egiten duzun bakoitzean, karamelu bat emango dizute. Ireki momentuan bertan eta adi begiratu: 50€ko 50 txeke irabazteko aukera dago, eta horien guztien artean urrezko goxoki bat dago,...

Leer más