TOLOSARRENA: gure herriaren inguruan gehien dakiena bilatzeko mahai jokoa!

Tolosaren inguruan aditua zarela uste duzu? Orain duzu frogatzeko aukera, TOLOSARRENA mahai jokoarekin: gure herria bakarra egiten duten gauza guztiak batzen dituen jolasa. 

🎲 Zer da TOLOSARRENA?

Familia eta lagunak mahai inguruan elkartzeko jolasa da Tolosarrena, non taldeak elkarren artean lehiatuko diren talderik tolosarrena zein den frogatzeko. Helburua proba eta erronkak gainditzea izango da, Tolosako leku enblematiko, pertsonaia eta tradizionekin lotutako galderak erantzunez, mimika eginez, marraztuz nahiz kantatuz.

Mahai joku hau Tolosa&Co-k (Tolosako merkatari, ostalari eta zerbitzuen elkarteak) sortu du maitasun eta konpromiso osoz, ingurua, komunitatea eta gure herria handi egiten duen guztia balioan jartzeko xedez.

💡 Nola jolasten da?

• Taldeak osatu: gutxienez bi jokalari talde bakoitzeko.
• Bota dadoa: honek zehaztuko du zein proba egin behar duzun. Alde zuria ateratzen bada, zuk aukeratuko duzu zein kategoriatan lehiatu. Alde beltza egokitzen bazaizu berriz… txanda galduko duzu!
• Puntuak irabazi: Tolosaren inguruko galderak erantzunez, probak gaindituz eta gainontzeko taldeekin lehiatuz. 
• Kontuz karta bereziekin! Hauek partidaren norabidea alda dezakete, beste taldeei puntuak lapurtuz, kategoriak aukeratuz edo txanda bikoitza irabaziz!
• Kategoria bakoitzeko bi puntu azkarren lortzen dituen taldeak irabaziko du jokoa.

🃏 Kartak eta kategoriak

• MIMIKA: hitz edo kontzeptu bat asmatu beharko da, hitzik esan gabe, mugimendu eta keinuekin soilik. 
• TOLOSABE: Tolosari, bere kulturari edo pertsonaia ospetsuei buruzko galderen erantzunak asmatu behar dira. 
• TOLOSA KANTARI: abesti baten melodia tarareatu beharko da (letrarik gabe!), gainontzekoek asmatzeko.
• HARTU LAPITZA: marrazkien bitartez kontzeptuak adierazi beharko dira, zenbaki edo hizkirik erabili gabe.

⏳ Denbora mugatua:

Proba edo galdera bakoitza hondarrezko erlojuak markatzen duen denboran entzun beharko da. Azkar ibili!

🎁  Non lor dezaket Tolosarrena jokoa?

Tolosarrena ez dago salgai. GABONAK BON BON! kanpainaren sari esklusiboa da: Tolosa&Coren establezimenduetan erosketa bat egiten duzun bakoitzean boleto bat emango dizute, eta hor jakingo duzu mahai joko esklusibo honen sariduna izan zaren edo ez. 

Erosi herrian, jolastu, eta irabazi! Bilakatu Gabonak esperientzia ahaztezin, Tolosa&Corekin.