Bonu berriak: ORDAINDU 20€ ETA KONTSUMITU 30€!
Bigarren erosketa-bonu kanpaina abian jarri du Tolosa&Co-k, datorren matxoaren 23tik aurrera. Bezeroak 20€ ordainduta, 30€ko balioa duten 3 bonu eskuratuko ditu; bakoitza 10€koa. Hortaz, Tolosa&Co-ren bazkide diren saltokietan ordaindutakoa baino 10€ kontsumitzeko aukera izango du!
Bonuen salmenta San Francisco pasealekuan kokatutako etxolan (Artxibo parean) egingo da martxoaren 23, 24 eta 25ean: osteguna eta ostirala 8:30-14:00 eta 16:00-20:00 bitartean, eta larunbatean 8:30-14:00 bitartean. Izakinak agortu arte mantenduko da irekita salmenta.
NOLA ESKURATU DITZAKET BONUAK?
- Tolosako San Francisco pasealekuan, Artxibo parean jarritako etxolan, martxoaren 23tik hasita bonuak amaitu arte.
- Ostegunetik ostiralera 8:30-14:00 eta 16:00-20:00, eta larunbatean 8:30-14:00.
- NAN bakoitzeko bonu bat soilik erosi ahal izango da. NAN-a erakutsi beharko da (18 urtetik gorakoa izan behar du).
- Norbaiti bonua erosi nahi bazaio: pertsona bakoitzak, gehienez, 2 NAN erakutsi ahal izango ditu eta beraz, 2 bonu erosi.
- Ordainketa kreditu txartelez nahiz eskudirutan egin ahal izango da.
- Erosketa egiten den momentuan erabiltzaileari ondorengo datuak eskatuko zaizkio: izen abizenak, identifikazioa (NAN zenbakia), jaiotze data, harremanetarako telefono zenbakia eta herria.
BONUEN ERABILERA ETA BALDINTZAK:
- Bezeroak 20€ ordainduko ditu eta 30€ko balioa duten 3 erosketa txeke jasoko ditu. Tolosa&Co elkarteak emango dizkio 10€ gehigarriak.
- Komertzio bakarrean edo ezberdinetan trukatu ahal izango dira.
- Bonuak kontsumitu ahal izateko azken eguna 2023ko apirilak 30a izango da.
- Bonuak Tolosa&Co-ren elkartekide diren edozein saltokitan kontsumitu ahal izango dira. Bonu bakoitzaren atzean saltokien zerrenda irakurri ahal izango da (eta hemen klik eginda digitalean ikusi ahal da): janari dendak, arropa, oihalak, kirola, oinetakoak, zerbitzu saltokiak, ostalaritza…
- Erosketak 10€koa edo gehiagokoa izan beharko du 10€ko bonu bakoitza erabiltzerako garaian; inoiz ez, txekearen balioa baino baxuagoa. Erosketaren zenbatekoa bonuaren zenbatekoa baino txikiagoa bada, diferentzia ez da eskudirutan itzuliko.
- Bonuak ezin direnez eskudiruagatik trukatu eta bonuaren zenbatekoa ez denez itzuliko, produktua itzultzen bada, establezimenduak erosketaren zenbateko osoko bonu propio bat emango dio erabiltzaileari.
- Bonuak modu arduratsuan erosi eta erabili beharko dira, eta kontuan hartu beharko da bonurik edo ordaindutako zenbatekorik ez dela itzuliko berauek galdu, ahaztu edo ezjakintasunagatik sortu daitezkeen bestelako egoerengatik.
