BRADERIE 2022

Kale eta saltoki kanpoaldeak eskaintzaz betetzen dituen azoka da Tolosa&Co Tolosako komertzio txikien elkarteak antolatzen duen hau: 62 saltokik stock-ean dituzten produktuak prezio merkeagoan eskainiko dituzte datorren martxoaren 12an, goizeko 10etatik arratsaldeko 20etara, etenik gabe.

Urtero modura, BRADERIE Tolosako saltoki txikien festa handia izatea nahi da, eta horretarako, etxeko txikienentzako ekintzak ere antolatu dira, guraso eta helduek komertzio txikian kontsumitzearen aldeko filosofiara hurbildu ditzaten. Hemen programazioa:

 

Saltoki gehienetako arduradunek denden kanpokaldean kokatzen dute merkatutako produktuekin osatutako postutxoa, nahiz eta nukleo komertzialetik urrutiago dauden saltokietako batzuek Tolosako Trianguloan kokatuko duten. Mapa honetan ikusi dezakezu postu bakoitzaren kokalekua (egin klik mapan zehar nabigatzeko!)

Ondorengoak izango dira saltoki parte-hartzaileak:

Algara, Amelie, Amets Jostailu denda, Anddare, Aralar Camp Base, Arkupe, Arretxe, Arsuaga Bizikletak, Arteka, BàB, Benefit, Berezi Tallas Especiales, Bolsos Zunzu, Brunila, Colors, Corner, Dandaka, Eme&Eme, Eskuz, Einde, Esnal, F&J, Farmacia Bronte, Gabirondo, Garazi, Jantzi Zure Arima, Joyeria CID, Kanikak, Kimetz, La Ratita Presumida, Lara, Lardies Laboral, Lardies Lenceria, Le True, Leffer, Lizarribar, Mauka, Mugar, MY54, Neuda, Niko, Noor, NZB, Oiarbide Oinetakoak, Ondoloin, Oski, Pasaban, Peage, Pottoko, Rainbow, Roncal, Roncal Outlet, Shanti Kirolak, Shanti Zapatillas, SKFK, Tantai, Tasia, The Factory, Txirrita, Ubel, Xarma.

Braderie azoka, komertzio txikiak Tolosari ematen dion biziaren islada da: estali gabeko merkatalgune atsegina da Tolosa, inoiz ez geldi ez isilik egoten ez dena. Horregatik elkarteak herrira gerturatu eta Tolosako komertzio txikian kontsumitzeko hautua egitera gonbidatu nahi zaitu; bai Braderie festan, baita gainontzeko egun guztietan ere. 

Informazio gehiagorako: info@tolosandco.org



Erosketak

Bono kanpaina berria: ORDAINDU 20€ ETA KONSUMITU 30€!

BONUAK AGORTU DIRA! GOGORATU ABENDUAK 1 BAINO LEHEN ERABILI BEHAR DIRELA 🥳 _______ Erosketa-bonu kanpaina berria abiatuko du Tolosa&Co-k, datorren azaroaren 7tik aurrera. Bezeroak 20€ ordainduta, 30€eko balioa duen erosketa txeke bat jasoko du bueltan. Beraz, ordaindutakoa baino 10€ gehiago izango ditu Tolosa&CO-ren saltokietan kontsumitzeko. Salmenta azaroaren...

Leer más
Agenda, Erosketak

Erruleta magikoa: gabon hauetan, 2.500€ ditugu saritan!

Eguberri hauetan ere Tolosan erosteak saria du! Herriko establezimenduetan kontsumitzen duzun bakoitzean boleto bat banatuko dizute eta gure erruleta magikoaren jaurtialdi bat modura izango da: ZEIN SARI TOKATUKO ZAIZU? Boletoa ireki eta ondo begiratu, 2500€ baitaude saritan. Bertan tokatu ahal izango zaizkizun txekeak eguberri hauetan nahiz...

Leer más
Erosketak

Askoz ere gehiago: hementxe saridunak!

Oso arrakastatsua izan da Tolosako merkataritza elkarteak abian jarri duen azken kanpaina: ASKOZ ERE GEHIAGO! Eta hala izan da zehazki; guk uste genuena baino askoz ere gehiago. Tolosako saltoki eta establezimendu komertzialetan kontsumitzen duzuen pertsonen fidelizazioa eskertu nahi izan dugu; eroslerik gabe, ez legokelako bizitza...

Leer más