Gure Zirkuan parte hartzeko aukera! ?

Tolosa&Co elkartearen eskariz GURE ZIRKUA Tolosara itzuli da eguberri hauetarako, eta hemen sorpresa: haurrentzako tailerrak emango dituzte Zezen Plazan jarritako zirkuan bertan! Zure seme-alabak zirkuaren munduaz ikasteko aukera ezinhobea izango dute, eguberrietako oporrak aprobetxatu bitartean. Tolosako saltokiak bisitatzeko aukera izango duzu horrela ?

Iker Galarza eta zirkoa osatzen duen lantalde osoarekin batera lurreko eta aireko akrobaziak, ekilibrioa nahiz gorputz hezkuntza dira landuko dituzten gaiak.

Tailerrek 3 eguneko iraupena izango dute, eta bi txandatan egingo dira: abenduak 26, 27 eta 28an eta urtarrilak 2, 3 eta 4ean. 10 haurrez osatutako taldeak egingo dira, adinaren arabera, eta talde bakoitzak 2 begirale izango ditu. Ikastaroen ordutegiak adinaren arabera antolatuko dira, eta errespetatu egin beharko dira.

Goizez:

9:30 – 10:30 : 7-9 urte

11:00 – 12:00 : 4-6 urte

12:30 – 13:30 : 10-12 urte

Arratsaldez:

16:00 – 17:00 : 8-12 urte

17:30 – 18:30 : 4-7 urte

 

Gure Zirkua Tolosa&Co

GARRANTZITSUA: NOLA EMAN IZENA?

 

  • Abenduak 13tik hasita bonoak amaitzen diren arte, Tolosa&Co-ren bulegoan presentzialki eman beharko da izena.
  • Ordutegia: 8:00etatik 20:00etara jarraian.
  • Pertsona presentzial bakoitzeko (NANa aurkeztu beharko da) 3 bono erosteko aukera egongo da gehienez.
  • Hiru eguneko bonoak bakarrik salduko dira.
  • Bonoaren prezioa: 30€.
  • Bonoen ordainketa diruz, Bizum bitartez edo txartel bitartez egin daiteke.
  • Izen-ematea egindakoan, ordainketaren ziurtagiria emango zaie gurasoei.
  • Izen-ematea egindakoan, Tolosa&Co-ren kontaktua emango zaie gurasoei.
  • Izen-ematean jasoko diren datuak:
    • Haurraren izen abizenak, jaiotze-data eta herria.
    • Gurasoaren edo arduradunaren izen abizenak, NANa, jaiotze-data, telefonoa, emaila eta herria.
    • Haurrei argazkiak atera eta hauek Tolosa&Co-ren sareetan argitaratzeko baimena sinatu beharko da.
  • Garrantzitsua: ez da bonurik erreserbatuko.


Agenda

Sarrera berriak: erraldoi eta buruhandien tailerra

Gabon hauetarako Tolosa&Co-k Tolosako Konpartsarekin batera antolatu duen erraldoi eta burhandien tailerrerako sarrera berriak jarriko dira salgai gaur (abenduak 19), 12:00etatik aurrera. Txanda hauetan adin guztietako haurrak nahastuko dira (4 urtetik 11 urtera); beraz, kontuan hartu hau ume txikiak inskribatu nahi badituzue. Hauek dira salgai jarriko...

Leer más