Bozkatzeko azken eguna! Mikologika 2018
Aurten ere, urriarekin batera, iritsi da Mikologika azoka Tolosara: perretxikuaren inguruko ekimen ugari izango ditugu! Hitzaldiak, ikastaroak, … eta baita perretxikoak dastatzeko aukera ere. Gure elkartekideak, betiko modura, Tolosara giroa ekartzearen aldekoak dira! Oraingoan ere euren erakusleihoak tematikaren arabera apaintzera animatu dira.
Baina ez hori bakarrik: erakusleiho lehiaketaren VI. edizioa antolatu dugu!
Epaimahaikide batek aukeratuko du erakusleihorik politena, eta publikoaren saria ere izango da: zuk aukeratuko duzu irabazlea. Hori bai! Gaur da bozkatzeko azken eguna. Tolosa&Co-ren bulegoan bertan egin daiteke, 17:00ak arte. Nahiago baduzu, Facebook bitartez ere eman dezakezu botua, hemen azpikaldean edo esteka honetan klik eginda. Bozketan parte hartzen duzuen guztion artean 50€ko erosketa-txeke bat zozkatuko dugu gainera!
Erakusleiho lehiaketaren sari banaketa larunbatean egingo da, 13.30etan, Triangulo Plazan. Ordura arte Mikologika azoka ospatuko da, eta gure elkartekide diren ostalari askok ere euren taberna eta jatetxeetan perretxikoez eginiko mokadutxoak prestatuko dituzte!
Perretxikoak gustoko badituzu, ezin duzu Mikologika azoka galdu. Ezin duzu Tolosara etortzeko aukera galdu!
